တၢ်ခွဲးတၢ်ယာ်ဒီးတၢ်မၤစၢၤတၢ်မၤတဖၣ် လၢပှၤလၢအတူၢ်ဘၣ် တၢ်မၤကမၣ်သဲစး တၢ်သိၣ်တၢ်သီတဖၣ်

1. နအိၣ်ဒီးတၢ်ခွဲးတၢ်ယာ် လၢကပတံထီၣ် တၢ်လီၤမၢ်တဖၣ်လၢအအိၣ်ထီၣ်လၢ တၢ်စုဆူၣ်ခီၣ်တကး တၢ်မၤကမၣ်သဲစးတၢ်သိၣ်တၢ်သီ ဆူ ပှၤတူၢ်ဘၣ် တၢ်မၤကမၣ်သဲစး တၢ်ဟ့ၣ်စ့အီၣ်လိး တၢ်ရဲၣ်တၢ်ကျဲၤ (Crime Victims Reimbursement Program) သ့န့ၣ်လီၤ. တၢ်တိစၢၤမၤစၢၤအံၤ တကျၢၢ်ဘၢ၀ဲဒၣ် တၢ်စုလီၢ်ခီၣ်ခိၣ် တၢ်လီၤမၢ်တဖၣ်ဘၣ်. လၢတၢ်ပတံထီၣ်ဒီးတၢ်ဂ့ၢ်တၢ်ကျိၤအဂီၢ်, ကိး 651-201-7300 မ့တမ့ၢ် 888-622-8799 မ့တမ့ၢ် ကွၢ် တၢ်တီတၢ်တြၢ်တၢ်ရဲၣ်တၢ်ကျဲၤ၀ဲၤဒၢး (Office of Justice Programs) ပှာ်ယဲၤသန့ဖဲ- ojp.dps.mn.gov
2. နအိၣ်ဒီးတၢ်ခွဲးတၢ်ယာ် လၢကဃ့ထီၣ် ပၢၤကီၢ်ကရၢ လၢကဂ့ၢ်လိာ် ကမျၢၢ်နုာ်လီၤမၤန့ၢ် တၢ်ဂ့ၢ်ထၢဖှိၣ် လၢအမၤဖျါထီၣ် နနီၢ်ကစၢ်န့ၣ်လီၤ. ပၢၤကီၢ်ကရၢ ကဆၢတဲာ် မ့ၢ်တၢ်အံၤကဲထီၣ်သ့တသ့ဧါန့ၣ်လီၤ.
3. နအိၣ်ဒီးတၢ်ခွဲးတၢ်ယာ်လၢတၢ်ကဘိးဘၣ်သ့ၣ်ညါနၤ ဖဲတၢ်ဟ့ၣ်ပှၤတူၢ်ကွီၢ်တၢ်ကမၣ်, နုာ်လီၤပၣ်ဃုာ်လၢ တၢ်လိာ်ဘၢလိာ်ကွီၢ် တၢ်မၤအကျိၤအကျဲ, ဒီးဃ့ထီၣ်တၢ်အီၣ်လိး ဖဲတၢ်ဆၢတဲာ်လၢအိၣ်ဒီးတၢ်ကမၣ်န့ၣ်လီၤ. 
   
   နမ့ၢ်တူၢ်ဘၣ်လၢ တၢ်မၤကမၣ် နတၢ်ခွဲးတၢ်ယာ်ဒ်ပှၤတူၢ်ဘၣ်တၢ်တဂၤအသိးန့ၣ်, ကိး ပှၤတူၢ်ဘၣ် တၢ်မၤကမၣ် သဲစးတၢ်သိၣ်တၢ်သီ တၢ်တီတၢ်တြၢ် ယူၣ်နံး (Crime Victim Justice Unit) ဖဲ 651-201-7310 မ့တမ့ၢ် 800-247-0390 န့ၣ်တက့ၢ်.

တၢ်ခွဲးတၢ်ယာ်တဖၣ်လၢ ပှၤတူၢ်ဘၣ် တၢ်အ့ၣ်လိာ်ဆိးက့လၢဟံၣ်ပူၤဃီပူၤ

1. နမ့မ့ၢ် ပှၤတူၢ်ဘၣ် တၢ်အ့ၣ်လိာ်ဆိးက့လၢဟံၣ်ပူၤဃီပူၤန့ၣ်, နပတံထီၣ် တၢ်ပတံသကွံၢ်ကညး ဒီး ကွီၢ်ဘျီၣ် လၢကဟ့ၣ်လီၤ တၢ်ကလုၢ်လၢတၢ်ဒီသဒၢအဂီၢ် ဒီး ဃ့ထီၣ် လၢပှၤလၢအဟံးမူဒါလၢ တၢ်အ့ၣ်လိာ်ဆိးက့လၢ ဟံၣ်ပူၤဃီပူၤအဂီၢ်သ့-
2. တြီ လၢအတမၤကမၣ် တၢ်သ့ၣ်တဖၣ်အံၤဆူညါလၢၤဘၣ်,
3. ဟးထီၣ်လၢနဟံၣ်ပူၤ,
4. အိၣ်ယံၤလၢနတၢ်အိၣ်ဆိးလီၢ်, ကၠိ, တၢ်ဖံးတၢ်မၤ, မ့တမ့ၢ် တၢ်ဖံးတၢ်မၤတၢ်လီၢ်တၢ်ကျဲ, ဒီး
   ဟ့ၣ်တစိၢ်တလီၢ်တၢ်ဆီၣ်ထွဲမၤစၢၤဆူနၤဒီးဖိသၣ်ဆံးအဂီၢ် ဖဲပှၤအံၤမ့ၢ်အိၣ်ဒီးမူဒါဖိးသဲစးလၢကဘၣ်မၤ၀ဲလီၤ. 
    

လၢနတၢ်ပတံသကွံၢ်ကညးအပူၤ, နဃ့ထီၣ် တၢ်ကွၢ်ထွဲကဟုကယာ် ဒီး မိၢ်ပၢ်တၢ်အံးထွဲကွၢ်ထွဲတၢ်ဆၢကတီၢ် လၢတၢ်နဲၣ် လီၤလၢပှၤဖိသၣ်အဂီၢ် တပူၤဃီဒီးပှၤအဂၤန့ၣ်လီၤ.

နအိၣ်ဒီးတၢ်ခွဲးတၢ်ယာ်လၢ တၢ်ကဘၣ်ဘိးဘၣ်သ့ၣ်ညါနၤ ဖဲတၢ်ဂ့ၢ်လိာ်တၢ်လိာ်ဘၢလိာ်ကွီၢ်တၢ်ဂ့ၢ်အံၤ မ့တမ့ၢ် တၢ်ဆိကတီၢ်  တၢ်စံၣ်ညီၣ်ဟ့ၣ်တၢ်ကမၣ်တဖၣ်န့ၣ်လီၤ.

တၢ်မၤစၢၤလၢတၢ်ဃုကွၢ်၀ဲ လီၢ်က၀ီၤတၢ်တိစၢၤမၤစၢၤဒီး တၢ်ဟ့ၣ်လီၤတၢ်ကလုၢ်လၢတၢ်ဒီသဒၢ (Orders for Protection) မ့တမ့ၢ် တၢ်တြီတၢ်မၤဆူးမၤဆါတၢ်နဲၣ်လီၤတဖၣ် (Harassment Restraining Orders) အဂီၢ်, ဆဲးကျၢ Minnesota Day One Crisis Line- ကိး 866-223-1111 မ့တမ့ၢ် ကွဲးဆှၢတၢ်ကစီၣ် ဖဲ 612-399-9995 န့ၣ်တက့ၢ်.

တၢ်ဃုထံၣ် တၢ်မၤစၢၤ

ဃုကွၢ် တၢ်မၤစၢၤ ဖဲအံၤ မ့တမ့ၢ် ဆဲးကျၢ န လီၢ်က၀ီၤပၢၤကီၢ်ကရၢန့ၣ်တက့ၢ်.

Minnesota Crime Victim Support Line                           866-385-2699    Website

Minnesota Day One Crisis Line                                         866-223-1111    Website

Safe at Home (address confidentiality program)       866-723-3035     Website