Cov Cai thiab Kev Pab uas Cuam Tshuam rau Tag Nrho Cov Neeg Raug Tsim Txom Vim Txoj Kev Ua Txhaum (Crime Victims)

1. Koj muaj cai thov kev pab nyiaj txiag rau tej yam uas tau puas tsuaj los ntawm cov kev ua txhaum mus rau qhov kev pab cuam Crime Victims Reimbursement Program. Qhov kev pab no tsis them rau tej yam khoom uas tau poob lawm. Yog xav tau daim ntawv thov thiab ntaub ntawv ntxiv, hu rau 651-201-7300 los sis 888-622-8799 los yog mus saib ntawm Office of Justice Programs qhov website: ojp.dps.mn.gov.
2. Koj muaj cai thov kom lub chaw uas saib xyuas kev cai lij choj tshem tawm tej ntaub ntawv uas qhia txog koj tus kheej kom pej xeem tuaj yeem txhob nrhiav tau. Lub chaw saib xyuas kev cai lij choj yuav txiav txim seb puas yuav ua tau.
3. Koj muaj cai tau txais kev ceeb toom yog tus neeg ua txhaum ntawd raug foob, koom nrog hauv txheej txheem foob, thiab thov kom tau nyiaj rov qab yog tus neeg ntawd raug lub txim. 
    

Yog koj xav tias koj cov kev cai uas yog  ib tug neeg raug kev ua txhaum tau raug tshem lawm, hu rau Crime Victim Justice Unit ntawm 651-201-7310 los sis 800-247-0390. 

---

Cov Cai rau Cov Neeg Raug Kev Tsim Txom Hauv Tsev (Domestic Violence)

Yog koj yog ib tug neeg raug tsim txom hauv tsev, koj muaj cai xa ib tsab ntawv foob rau lub tsev hais plaub kom muaj ib daim ntawv txiav txim los pab koj thiab thov kom tus neeg uas ua phem hauv tsev:

1.    Raug txwv tsis pub ua kev ua phem ntxiv;
2.    Tawm ntawm koj tsev neeg;
3.    Tsis pub los ze koj qhov chaw nyob, tsev kawm ntawv, chaw ua lag luam, los sis chaw ua hauj lwm; thiab
4.    Them nyiaj pab ib ntus rau koj thiab tus me nyuam uas tseem yau yog tias tus neeg ntawd muaj txoj cai lij choj uas yuav tsum ua li ntawd.
 

Hauv koj tsab ntawv foob, koj muaj cai thov kev saib xyuas me nyuam thiab sij hawm tu me nyuam rau tus me nyuam uas koj muaj nrog neeg tus ntawd.
Koj muaj cai tau txais kev ceeb toom yog tias kev foob raug tso tseg los sis kev foob ua txhaum raug muab lawb lawm.
 

Yog xav tau kev pab ua ntaub ntawv tiv thaiv thiab ua ntaub ntawv kom tus neeg ntawd tsis txhob thab yus, tiv tauj: 

Minnesota Day One Crisis Line -Hu rau 866-223-1111 lossis ntaus ntawv rau 612-399-9995.  mus rau lub vej xaij.

---

Nrhiav Kev Pab 

Yog xav paub seb leejtwg muaj kev pab cuam rau cov raug xwm txheej phem thiab lwm yam kev pab nyob hauv Minnesota, NIAS NTAWM NO, lossis tiv tauj koj lub chaw ceev xwm txoj cai.

---

Kev Cai Tub Ceev Xwm Yuav Tsum Ua

Thaum xub thawj ntsib, cov tub ceev xwm yuav tsum muab ntaub ntawv qhia txog tej kev cai tus raug xwm txheej phem muaj thiab nws yuav mus cuag kev pab li cas.Txoj cai Minnesota Statutes section 611A.02, subd. 2(b).

Thaum xub thawj ntsib, cov tub ceev xwm yuav tsum qhia txog tej ntaub ntawv kev pab ntxiv rau cov raug txij nkawm tsim txom ntaus.Txoj cai Minnesota Statutes section 611A.02, subd.3.